Îro rojbûna hevkarê me yê qedirbilind, endamê rêvebirîya “Yekîtîya Kurdên Qazaxistanê – “Berbang”ê, serokê Weqfa Akademîsyan Kinyazê Îbrahîm Mîrzoyev, endamê desteya weşanê ya kovara edebî û hunerî “Nubar”, karsaz, damezrênerê kanala «BERBANG TV», karmendê civakê Rafîkê Yaqûb Mîrzoyev ê.
Rafîk Mîrzoyev, nûnerê navdar ê koma etnîkî ya kurdên Qazaxistanê ye, di organîzekirin û lidarxistina çalakiyên çandî yên cûrbecûr de, di bin banê Yekîtîya “Berbang”ê û Meclîsa Gelên Qazaxistanê de, bi awayekî aktîf beşdar dibe, ji bo xurtkirina ahenga etnîkî û olan di civakê de, di nav civata kurdên Qazaxistanê de xwedî qedirekî mezin e.
Rafîkê Yaqûb ji destpêka damezrandina Yekîtîya “Barbang”ê ve di jiyana wê de cih girtiye, ji bo pêşxistina dîasporaya kurdî, parastin û pêşvebirina çanda neteweyî ya kurdî, piştgirîkirina bernameyên ji bo lêkolîn û pêşxistina zimanê dewletê û zimanê zikmakî, perwerdekirina nifşê ciwan bi ruhê welatparêziya nû, seredanên xebatê yên li herêmê ji bo civîn û sohbetên bi xelkê re li cihên ku gelek kurd lê dijîn karekî bêhempa dike.
Di destpêka salên 2000î de Rafîk Mîrzoyev serokatiya şaxa Almatîyê ya Yekîtîya “Berbang”ê ya Kurdan dikir, li wir Weqfa Xêrxwazî ya Ronayî hat damezrandin û di bin serokatiya wî de bi awayekî serketî xebitî û alîkariyên xêrxwazî pêşkêşî feqîr û malbatên hewcedar dikir.
Îro, bi serkirdayetiya hestiyar û taybetmendiyên rêxistinî yên Rafîkê Yaqûb, xebata gelemperî di çarçoveya fonda giştî ya ji bo mîrateya çandî ya Akademîsyan Kinyazê Îbrahîm Mîrzoyev berdewam dike, ku li wir gelek projeyên hevbeş hatine bicîh kirin, di nav da ji nû va destpêkirina weşana rojnameya kurdî “Jîyana Kurd”, çapkirina pirtûkên dersan yên bi zimanê kurdî, ku Akademîsyen Kinyazê Îbrahîm Mîrzoyev amade kirine, organîzekirin û lidarxistina çalakiyên xêrxwaziyê ji bo kesên hewcedar û hwd.
Bûyereke hêja ji bo kurdên Qazaxistanê di meha nîsana îsalin da vekirin û emelkirina serketî a kanala vîdyoyî ya navneteweyî “BERBANG TV” bû, ku bi naverok û bernameyên gelek balkêş li ser mijarên cihê bi kurdî weşana xwe bi awayekî bêhempa dike. Her wiha bi beşdariya rasterast ya Rafîqê Yaqûb Mîrzoyêv di vê salê de amadekirin û derbazkirina festîvala pêşin ya sazbendîya kurdî li bajarê Almatîyê bû bûyareke dîrokî di jîyana kurdên komarê da.
Di salên xebata çalak û bikêrhatî de, Rafîkê Yaqûb bi gelek diyarîyên girîng, dîploma û nameyên spasiyê va hate xelat kirin. Pêşkêşkirina xelata “Kurmet” îsal qîmetkirina keda wî bû.
Yekîtîya “Berbang”ê a Kurdên Qazaxistanê bi dilgermî pîrozbahiyê li Rafîkê Yaqûb Mîrzoyev dike û jê re saxlemî, bextewarî û serkeftinên zêdetir di çalakiyên wî de ji bo pêşkeftin û bextewariya gel û welat dixwaze.
Оставайтесь на связи